近日又試亂諗野,好煩a!
主牙,我想靜靜地過我要過的生活,希望我自己可以學唔好亂諗野呢個功課,好似允平咁!要面對自己諗得太多的思維模式!
今日真係超級開心,係我過咁多年生日最開心的一次...
一,因為我收到好多區員俾我的sms,感受到區員及組員對我的關心,覺得好warm a!
二,收到好多我意料之外的禮物,重點當然唔係禮物的價錢,而係佢地對我的心意...
第一份係lamlam送的,之前已經係blog度提過了...
第二份係阿fai送的,係liquid body lufra,即係磨砂浴露,佢好神秘地送俾我,令我有一點受寵若驚...
第三份係annie送的,好搞笑,係好應節的南瓜怪棉花糖.但係我即時同佢講:say no to halloeen!
第四份係connie同joanna夾份送的hello kitty隻cat的schedule book,我知道好貴的...應該差唔多要100元!做乜咁破費a(其實自己好開心...)
第五份係美婷送俾我的,係佢自己親手整的,好感動,好驚喜,比受寵若驚更受寵若驚!!
個口都合唔埋...因為要hohohoho地笑.hohohoho...(如邪留丸一樣的笑聲)bookbook內部有好多我以前d相,仲有一張係我ex-BF的相tin,份禮物真係好珍貴!
再一次,多謝所有在我生日對我有所表示的人,無論多少,都令我有過不同的感動!真的很高興認識你們!
之後,返到屋企,我阿妹好鐘意我所有禮物,問我可唔可以分d俾佢,唉...好難答啫,緊係唔得la!!!
祝我生日快樂
祝我生日快樂
祝我生日快樂
祝我生日快樂(自己唱俾自己聽!)
今日係我生日牙...一個驚惶了許久的日子終於來到了,感覺很特別!很多謝send sms俾我的人,例如:connie,南,琳琳,carmen,民(排名按時間排位,他們都部都是在約12點時send俾我的,很感動a!!!)
另外,我也很期待我的好朋友送給我的禮品...好緊張好緊張好緊張好緊張好緊張好緊張...重點唔係係件禮物度,而係佢地所花的心思.
其實,我由中一開始家人就唔多重視我的生日,以前唔知點解就以為係媽咪覺得我大個囡,唔需要好似阿妹咁需要大事慶祝.但係,到左今年我先知道,原來阿媽唔同我搞生日係因為我爸爸的死忌係係我生日附近,而我爸爸係在我小六是不在的,所以由中學開始家人就唔同我搞生日lo....(恍然大悟)
我今年最大的生日願望係入到大學!!兼榮耀主...it is my life!!就好似蕭敬騰唱的《it is my life》一樣!!!
今日同兩個好朋友去食飯...好開心,我地去左一番食野,真係大件夾抵食...
我地三個人叫左一客六件的手掌咁大的加州卷,成塊面咁大兜的蟹子沙津,同埋少d咸的什菌豆腐(郭)絲煲!!!好好好好食牙
可以的話,下次我一定會再去食...
嗯嗯!!!
之後lamlam仲送左件禮物俾我,令我覺得好開心,仲好感動天!佢寫左張生日卡俾我.
張卡的封面寫住:
you are everything that i hope for everything i need you are so beautiful to me.(oh...我的心被溶化了!)
另外卡的內容如下:
親愛的淇鍵:
生日快樂!20years old啦,又踏入人生另一階段.希望你可以日日過得開開心心,出年考大學,比心機啦!不過唔好俾太大壓力自己,盡力而為,唔後悔啦!
希望我地友誼永固,年年都可以幫你一齊度過生日!(我也希望我們的友誼永固,因為我們的友誼keep到咁樣,已經係好難得...)
哈哈,原來有一個細心的朋友感覺真係好良好,好有安全感!!
此外,仲有美婷,雖然佢未送我禮物,但我好開心今日都特登陪我食飯,我亦相信佢份禮物係唔會少左我果份的!!!!haha,係唔係a,美婷!!!(好似屈緊你咁...
)
之後去千色買d女仔野,你就好la美婷,買到自己想買的野!!!我乜都無買....
今日屋企果邊有山火,我走左去打999!
好緊張a...不過,果個接線生把聲好好聽!
另外,過几日就係我baba的死忌,唔知點解,在過去呢兩年係十月份我都有夢見佢.記得上一次佢係夢中讚我好叻,可以讀到中六,仲叫我乖d!但係係夢中的我,係無意識知道baba已經過左身,大家的對話就好似平日傾計咁,咁自然!當我話俾阿媽聽的時候,佢好緊張,仲問我baba仲有d乜同我講,我話無la,真係呢d la.
但前日我又夢到佢la,今次的內容係我發現屋企附近發生火災,就立即打俾阿媽,咁阿媽叫我立即叫醒baba,一齊走佬!當時在夢中的我好驚,因為好似真係發生火災一樣,感覺好真實!叫左好耐,baba先至肯起身,真係急死人了!之後,火光處處，我同baba到處避火.當時我地好似係在舊居...
點知第二日,我返屋企時,見到同夢境好似的火災發生在我家附近的山頭...真的是很巧合!!!!!唔通...
說真的,其實心底真的有點想念父親!!!
可以的話,我希望我可以對你更好!!!
做個乖囡,不氣你!!!
這一首歌很切合我現在的心情!特別是副歌...
這首歌是《回家》
今日發生太多我不想要的事情了,我不要!!
1.陳sir知道了我個blog!太大意了,為何會發生這一種事的呢?我一直以為我個blog好安全的,那知道...唔怪之得之前的瀏覽人數是以個位數上升,有某一段時間開始,是以十數,更可能以過百而激增,那時我是百思不得解,今天,我知道了!!!!那麼,我不是不可以我手寫我手了...
2.今日俾我中史阿sir入到位----被串死了!!!好耐無俾佢串過啦,仲以為自己過左呢個被串期,就不會有人可以串到我天...唔得,下一次,我一定要反擊先至得,我唔會俾你串得咁開心,但係我天日就有佢d中史test,真唔想test...我不要!!!
3.我今日搞jupas D野果陣,發覺真係好難搞,我就來要發脾氣了,點解仲煩過我小學升中一時要填的果D表...好多野都要一CHECK再CHECK,煩人的指數十粒星...
4.今日本身可以同小明同ANNIE好好地傾計,都係阿FAI囉,阻住我地,搞到我地無得再吹多陣水,唉!打死佢,HAHA講笑!!不過話時話,好似好耐無同阿小明傾計咁...我不要!!!好想同先一個同學講多D野...
總之,一日下來有太多我不想要的事情發生,我不要...不要...
【畫皮】
都尉王生(陳坤 飾)率領王家軍在西域與悍匪激戰，在匪營救出絕色女子小唯(周迅 飾)，並帶回江都王府照顧。不久後，江都城每隔數天即有人被殺，死者皆被人剖腹挖心，令全城陷入恐怖之中！
另一方面，小唯被王生玉樹臨風的英姿所吸引，暗施誘惑，欲取代王生妻子佩蓉(趙薇 飾)地位。佩蓉看穿小唯心意，並察覺她舉動有異常人，於是向流浪俠客龐勇(甄子丹 飾)及降魔女俠夏冰(孫儷 飾)求助。自此，一場介乎正邪之間與情義矛盾的人魔大戰，立即展開…
導演: |
陳嘉上 |
|---|---|
| 主演: | 周迅,陳坤,趙薇,甄子丹,孫儷,戚玉武 |
| 片種: | --> |
| 片長: | 103分鐘 |
另一方面，小唯被王生玉樹臨風的英姿所吸引，暗施誘惑，欲取代王生妻子佩蓉(趙薇 飾)地位。佩蓉看穿小唯心意，並察覺她舉動有異常人，於是向流浪俠客龐勇(甄子丹 飾)及降魔女俠夏冰(孫儷 飾)求助。自此，一場介乎正邪之間與情義矛盾的人魔大戰，立即展開…
這一由聊齊故事改篇的《畫皮》電影,說實在的,真是太好!
在這一套戲之中,我最喜歡的是趙薇的角色,即是佩蓉...我覺得比較起周迅的角色,趙薇的比較神經質。但由於畫皮的調子較悲涼及淒慘,她的情緒波動不可大過周迅的,要不然,兩位角色都如斯突出的話就會破壞此電影的美感!故,身兼佩蓉身份的趙薇只好把千言萬語都收在一雙看透世事而清晰的大眼之中!無論是其夫君在不知不覺之間愛上了小唯,或是小唯是隻妖之事,佩蓉都能早別人一步發現事端的動向...是她擁有一雙洞察人心的眼睛逼使她變得神經乎乎嗎?這豈不可憐至極!!!
其中她說的一句令我最震撼的說話是:你根本不知什麼是愛? 這句說話是她跟小唯說的。
我不知道小唯到底明白有多少,但我知道佩蓉明白,因為她已經用行動去證明了!讓我不禁想起聖經的一句經文:《林前十三章四至八節》愛 是 恆 久 忍 耐 、 又 有 恩 慈 ． 愛 是 不 嫉 妒 ． 愛 是 不 自 誇 ． 不 張 狂． 不 作 害 羞 的 事 ． 不 求 自 己 的 益 處 ． 不 輕 易 發 怒 ． 不 計 算 人 的 惡 ．不 喜 歡 不 義 ． 只 喜 歡 真 理 ．凡 事 包 容 ． 凡 事 相 信 ． 凡 事 盼 望 ． 凡 事 忍 耐 。愛 是 永 不 止 息 ．
愛.愛.愛??朋友,你明白嗎?
